En toda esta terra mestúranse a arte e a historia do noso patrimonio monumental coa maxistral natureza que nos rodea e que latexa, non só no verdor do campo ou nas cristalinas augas dos ríos, senón tamén no corazón amable e hospitalario das súas xentes.

Aproveito esta páxina web para invitarlles a todos a visitar esta terra na que medran as flores en primavera e se cobren os campos das follas arrincadas polos ventos do outono, e é o meu desexo que tamén sirva para que os meus propios veciños se aventuren comigo en apreciar aínda máis o valor que ten a nosa terra, preservándoos para que eles e os seus descendentes sigan construíndo aquí o seu fogar.

Jesús Carreira Ferreiro

Alcalde-Presidente do Concello de Guntín de Pallares