FESTAS PATRONAIS DO CONCELLO DE GUNTÍN DE PALLARES:

Guntín conta con 31 parroquias nas que se celebran, na maior parte delas, festas en honra ao patrón ou patroa da parroquia. Aínda que ás veces as datas poden variar dun ano para outro, as datas de celebración son as que se relacionan a continuación:

(Algunhas das datas aquí reflectidas poden sufrir variacións dun ano a outro.)

A maior parte destas celebracións populares coinciden cos meses de verán posto que son as datas sinaladas nas que as familias aproveitan para realizar as reunións familiares pois os meses estivais son os meses de vacacións por norma xeral. As aldeas aumentan considerablemente o número de habitantes que ano tras ano regresan desde diferentes puntos da nosa xeografía para pasar unha temporada na terra que os veu nacer. As celebracións son moi semellantes e comezan por norma xeral coa celebración da liturxia para pasar á procesión e despois e antes do xantar gozar coa música da orquestra, que repetirá actuacion á noite.


FEIRAS DO CONCELLO DE GUNTÍN DE PALLARES


FEIRA DE GROLOS:

Celébrase no campo da feira da parroquia de Grolos o día 23 de cada mes. Nela podemos atopar vendedores ambulantes de produtos téxtiles, artigos de ferretería, etc, pero, sobre todo, caracterízase e ten a sona no referente á venda de gando porcino. No mesmo lugar pódese degustar un típico prato de polbo.

FERIA DE LOUSADA:

Celébrase os días 5 de cada mes, na parroquia de Lousada.


FESTA GASTRONÓMICA DO PEMENTO DE MOUGÁN

A FESTA DO PEMENTO DE MOUGÁN está a contribuír de forma extraordinaria á recuperación deste produto único e exclusivo destas terras de Guntín de Pallares. O feito de dalo a coñecer no exterior fai que a súa demanda aumente considerablemente, o que provoca no só que non se perdan as técnicas ancestrais de cultivo, senón que medre a produción e que non se escatimen coidados para obter un produto singular.
Proba disto é que as explotacións familiares nas que se cultiva a maior parte da produción están moi coidadas e non se escatiman esforzos co fin de obter un pemento de calidade que cumpra as expectativas do consumidor. O consumidor que proba unha vez este manxar sempre repite posto que o seu sabor é incomparable e inconfundible.
O nome do pemento de Mougán comeza a ser coñecido cada vez en máis lugares, en parte grazas á celebración desta festa, que ano tras ano congrega un maior número de asistentes.
A festa gastronómica celébrase o último sábado do mes de agosto na área recreativa da carballeira de Meixaboi onde no ano 2.006 se celebrou a V EDICIÓN. Nesta festa que comeza xa á mañá, os asistentes poden gozar da boa música das orquestras, das bandas, das charangas e das agrupacións folclóricas. A lectura do pregón que cada ano trae ata Guntín persoas por todos coñecidas, dá paso á degustación gratuíta do produto motivo da festa que servido fritido ou en tortillas fai as delicias dos alí presentes. Chama a atención que aqueles que o proban por primeira vez quedan abraiados polo seu sabor que tal e como din é totalmente diferente a outro tipo de pementos.
Xa á tarde se celebra o tradicional campionato de tute que cada ano conta cun maior número de participantes que xogan ata ben entrada a noite para, unha vez rematado, pasar á entrega dos trofeos.
Os que o desexen poden gozar dunha comida á sombra dos carballos centenarios repartidos pola carballeira, ou ben acudir ao bar que se instala no recinto. Diferentes postos de produtos típicos e artesanía acoden todos os anos ata Guntín para promocionar os seus produtos reclamados pola cada vez maior afluencia de xente que a pesar de que a data coincide con outras coñecidas festividades galegas, non deixa de acudir a este evento gastronóm